Академска посета на University College of London (UCL), Обединетото кралство

На 10ти ноември 2025 година тим на професори од Правен факултет „Јустинијан Први“ – Скопје, составен од проф. Александар Стојков, проф.Александра Максимовска Стојкова, проф. Јован Зафироски и проф. Елена Нешовска Ќосева, оствари студиска посета на University College of London (UCL), Велика Британија на која пред тамошните колеги и млади истражувачи ги презентираа резултатите од досегашната работа на научно-истражувачкиот проект “Иновативни научни решенија за сузбивање на социјалната нееднаквост и сивата економија во Република Северна Македонија преку даночната регулатива”.

Целта на оваа проектна активност беше размена на искуства за меѓународни добри практики за формализирање на неформалниот сектор и намалување на социјалната нееднаквост, дискусија околу најсоодветниот модел кој би можел да се примени во македонски околности, како и зајакнување на соработката помеѓу двете научни институции.

Научно-истражувачкиот проект “Иновативни – научни решенија за сузбивање на социјалната нееднаквост и сивата економија во Република Северна Македонија преку даночната регулатива” е финансиран од Министерството за образование и наука.