Иновативно-научни решенија за сузбивање на социјалната нееднаквост и сивата економија

Проектот произлегува од потребата за нов, иновативен и поефективен пристап во справувањето со сивата економија и социјалната нееднаквост во македонската економија. Како научно истражувачки тим кој досега работел на економски и даночноправни предлози и решенија за креирање на политики и измени во законодавството, сметаме дека токму тоа е начинот да се постигнат потребните промени. Истражувањето е насочено кон идентификување и анализа на фискалните политики и даночни норми кои придонесоа до сегашните проблеми и предизвици, а потоа кон формулирање на нови предлог решенија за намалување на обемот на неформалната економија и ублажување на социјалните разлики.

Проектот комбинира научно правни, апликативни и истражувачки методи, економски квантитативни и квалитативни методи со цел да се понудат правни издржани решенија и препораки за правична, ефикасна и транспарентна даночна политика, која ќе води кон сузбивање на социјалната нееднаквост и сива економија.

Се работи за иновативен и релевантен научно апликативен истражувачки проект чија главна цел е преку научна анализа и практични препораки да придонесе за создавање на конкретни решенија за поинклузивен, праведен и ефикасен даночен систем и ќе овозможи основа за понатамошна научна и практична соработка на домашните научници и експерти и со меѓународната академска заедница.